Plantun de Prouvènço

Pèr coumpara dos planto d'encò nostre

Radiola linoides & Grimmia orbicularis

Radiola linoides

Linaceae

Noms en français : Radiole faux lin, Faux Lin.

Descripcioun :
Lou faus-lin es uno pichoto planto pas bèn grando que se vèi pas gaire. Trachis dins li relarg umide, proche d'aigo, sus sòu séusous. Se recounèis à si fueio óupousado quàsi óuvalo de mens de 4 mm de long e à si cambo roujo. Li flour soun pourtado pèr de long pecou emé de petalo blanco dificile de vèire.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 12 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Radiola
Famiho : Linaceae

Ordre : Malpighiales

Coulour de la flour : Blanco
Petalo : 5
Ø (o loungour) flour : 1,3 à 3 mm
Flourido : Printèms

Sòu : Si
Autour basso e auto : 0 à 1600 m
Aparado : Noun
Mars à jun

Liò : Sablo umido - Pelouso roucaiouso bagnado - Riéusset
Estànci : Mesoumediterran à Mountagnard
Couroulougi : Paleoutemperado
Ref. sc. : Radiola linoides Roth, 1788

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.